ಕಡಲ ಮೌನ

ಕಡಲ ಮೌನದ ಹಾಗೆ
ಮನವು ಸುಮ್ಮನೆ ಕುಳಿತಿತ್ತು
ನಾಳೆಯ ಚಿಂತೆಯು ಆವರಿಸಿ
ಇಂದು ಮಂಕು ಕವಿದಿತ್ತು

ಒಮ್ಮೆಲೇ ಗಾಳಿ ಬೀಸಿ
ಗಾಳಿಪಟ ಹಾರಿ ಬಂದಿತ್ತು,
ಅದರ ಮೇಲಣ ಯಾವುದೋ
ಕವಿತೆ ಬರೆದಂತೆ ಅನಿಸಿತ್ತು

ಕರದಲ್ಲಿ ಹಿಡಿದು ನೋಡಿದೆ
ಪ್ರೇಮ ಪತ್ರವೊಂದು ಅಲ್ಲಿತ್ತು,
ನಾಲ್ಕು ಸಾಲಿನ ಹಾಡಿನಲ್ಲಿ
ಆಶಾ ಭಾವವೇ ಹರಿದಿತ್ತು

ಸುಂದರ ನಿನ್ನೆಯ ನೆನೆದು
ಇಂದೇಕೆ ಅಳುವೆ ಮೇಘವೇ,
ಹೊಸ ಪಯಣವ ಶುರು ಮಾಡಿ
ನಾಳೆಯು ನಮ್ಮದೇ ಎನ್ನೋಣವೇ
- ಅರುಣ್ ಕುಮಾರ್ ಪಿ ಟಿ